«250 جنيه ماشية على الأرض».. صورة لدجاجة متغيبة تهز السوشيال ميديا

«250 جنيه ماشية على الأرض».. تداول رواد التواصل الاجتماعي صورة لدجاجة كبيرة تسير بأحد شوارع مصر، والتقطت الصورة بهاتف محمول خلال فترة الظهيرة، بزاوية شخص يجلس في القهوة المقابلة لها.

أثارت الدجاجة سخرية الشعب المصري وأخذوا يبحثون عن صاحبها الذي تركها بالشارع دون حراسة بصفتها ملاذا مغريا في هذه الظروف، لذلك التقطت جريدة "الطريق" بعض التعليقات التي قد تجعلك تضحك حتى البكاء.

تعليقات رواد التواصل الاجتماعي

قال هود محمود في منشورا عبر الفيسبوك: "250 جنيه ماشية على الأرض.. اللهم ما أخذيك يا شيطان".

وأضاف حسين فاروق: "250 جنيه إيه.. ما شاء الله دي تعملها 4 كيلو وإضربهم في 200 جنيه يعني 800 جنيه ماشية على الأرض"، حيث علق عليه صديقه قائلا: "وبتبيض كل يوم 5 جنيه هههههههه".

مفيش فراخ بتمشي في الشارع اليومين

وتابع عبد الجواد: "الصورة دي قديمة مفيش فراخ بتمشي في الشارع اليومين دول لخطورة الموقف" حيث علق عليه صديقة محمد سعيد قائلا: "الأول كنت تلاقي الفراخ بتلعب في الشارع والناس بيسبوها قدام البيوت القديمة.. دلوقتي بقوا بيشلوها جوا الشقة من خوفهم عليها".

وكتبت آخرى: " مين الغني اللي سايب فراخه منطلقة كدة من غير حراسة" لتعلق عليها صديقتها قائلة: "كنز أمسك يالا أنت وهو".

لبسوها صندل

وعلقت أخرى: "لبسوها صندل مش كدة تدخل في رجلها حاجة.. ياريتني كنت ماشية في الشارع دي بلدي كمان يا حزني ياني".

وأوضح آخر: "حد يغطي الفرخة اللي ماشية دي عين الحاسود فيها عود.. 250 جنيه ماشية على الأرض" حيث علق آخر: "عتاقي فخمة ممكن مكنها لو سمحت".

الكيلو فيها بـ 100 جنيه

ولفتت أخرى: "ولا 400 جنيه دي الكيلو فيها بـ 100 جنيه على الأقل لو مش بـ 120 جنيه كمان تعملها 4 كيلو على الأقل بردو".

وقال آخر: "وأنا قاعد على القهوة وأشوف فرخة ماشية بيني وبين نفسي بـ 250 جنيه ماشيين على الأرض.. أعوذ بالله من الشيطان الرجيم.. أعوذ بالله من الشيطان الرجيم".

اقرأ أيضا: الفريق أسامة عسكر يعود إلى أرض الوطن عقب زيارة للإمارات