«لو شوفتك هرميك برة».. مرتضى منصور يهدد حكم مباراة أسوان ويهاجم حازم إمام

فتح مرتضى منصور رئيس مجلس إدارة نادي الزمالك، النار على أمين عمر حكم مباراة أسوان أمس الاثنين، والتي خسرها الأبيض بهدفين مقابل واحد، ضمن منافسات الدوري المصري الممتاز.

وقال مرتضى منصور في مداخلة هاتفية ببرنامج "زملكاوي" المذاع على قناة "الزمالك": "قدمت مذكرة رسمية في اتحاد الكرة، إن الولد اللي اسمه أمين عمر ميقربش من ماتشات الزمالك، لأن هو وأبوه بيعلنوا حبهم للأهلي دايمًا".

وواصل: "أمين كاره نفسه وكاره الزمالك، ولينا ضربتين جزاء وابن الشناوي على الڤار محسبش حاجة".

وشدد: "هو مين رئيس لحنة الحكام؟، أنا مش شايف فيكم راجل، ما نفوق يا جمال يا علام، انت مصدق نفسك إنك رئيس اتحاد، انتم المخبرين أنضف منكم، فين الباشا حازم إمام؟".

وواصل: "لما كلمت حازم إمام والدرندلي في ضربة جزاء يشوفها الأعمى مردوش، لجنة حكام فشلة، أمين عمر جاي يقضي على الزمالك، يا أمين يا عمر أنت جاي عاوز تخلص ومشوفش وشك تاني، لو شوفتك يا أمين يا عمر في ماتش للزمالك هرميك برة علشان لجنة الحكام لا مؤاخذه".

اقرأ أيضًا: ديجافو.. الزمالك يخسر أولى مباريات العام الجديد للمرة الثانية على التوالي

واختتم مرتضى منصور تصريحاته: "معنديش مشكلة أخسر لكن تظلمني ليه؟، ليا ضربتين جزاء، لكن يا أمين يا عمر انت عيل ملكش قيمة وحذرت بالطريقه دي الزمالك ميشاركش في المسرحيه الهزلية، علشان الزمالك مياخدش في وجود مرتضى الدوري".