«الموضوع بقى مقرف».. حسن شاكوش ينتقد محتوى التيك توك
وجه مطرب المهرجانات حسن شاكوش، النقد إلى محتوى التيك توك، موضحًا أن الشباب يقومون بتقديم محتوى غير لائق من أجل كسب المال.
قال حسن شاكوش عبر فيديو على صفحته على "فيس بوك": "الواحد بيشوف حاجات غريبة، والموضوع بقى مقرف، والتيك توك اللي كنا بنتفرج عليه عشان يهون علينا ونشوف حاجة تضحكنا، وبقينا بنشوف هبل وعبط والعيال تعمل لايفات وهى بتحمي نفسها بالشطة".
اقرأ أيضا: العرض كل جمعة.. أسعار تذاكر مسرحية تشارلي تشابلن ومواعيد عرضها
حسن شاكوش ينتقد محتوى التيك توك
وتابع شاكوش:
"في محتوى بنقدمه يجيب فلوس وأحسن وأسهل من قلة القيمة اللي إنتوا فيها، أنا عمري ما اتكملت ولا شغلت بالي بحاجة، بس ايه القرف اللي بنشوفه على تيك توك ده، فيه ناس محترمة وناس بتستفاد بس، وأنا كنت بستفاد منه، اعمل حاجة تفيدك لو انت محتاج فلوس اعمل حاجة تكون بتفيد الناس عشان عيالك يشوفوا إنك بتقدم محتوى كويس".
وأضاف:
"لكن ابنك لما يكبر هيشوف إنك شاب أو ست هايفة وتافهه، عيالكم هيبقوا تافهين زيكم، تقدر وانت هايف تقول لابنك متعملش كده؟، الفلوس مش كل حاجة، أنا أول مرة أطلع أتكلم على أي حاجة بس أنا بقيت أكره افتح التيك توك بسبب الأشكال دي".
اقرأ أيضا: رمضان 2023.. جيهان الشماشرجي تبدأ تصوير مسلسل «مذكرات زوج» مع طارق لطفي
