الرئيس السيسي: الدولة حرصت على عدم انعكاس زيادة الأسعار على المواطن

قال الرئيس عبد الفتاح السيسي، إن الدولة كانت حريصة على عدم انعكاس زيادة أسعار الذرة والقمح على المواطنين، مضيفا: "إحنا كدولة حرصنا على عدم زيادة التكلفة الكبيرة لما الدكتورة هالة السعيد اتكلمت عن زيادة أسعار الذرة والقمح وإحنا بنستورد كميات ضخمة، لكن إحنا لم نعكس الزيادة اللي حصلت في الأسعار خالص".

وتابع الرئيس السيسي خلال افتتاح محور المشير فؤاد أبو ذكري بالإسكندرية: "الأسعار غالية بره.. الهدف من تقديم عرض الدكتورة هالة السعيد إن إحنا كدولة نقول للناس الحكاية إيه؟ بشكل شايفينه إزاى ؟.. وإحنا كدولة عملنا إيه؟.

اقرأ أيضًا: وزيرة التخطيط: العالم شهد خلال الأعوام الأخيرة أزمات متتالية

وأضاف الرئيس السيسي: "ممكن حد يقولى مش كفاية، كنتوا زودتوا شوية الحد الأدنى.. موافق.. كان ممكن أوى الرقم ده في الحد الأدنى نزودوا ونيجي على البند 4 "القمح – الذرة" منقربش منه.

اقرأ أيضًا: متحدث الرئاسة: «محور التعمير خطوة جديدة تضاف لاستراتيجية الدولة»

وواصل الرئيس السيسي: "مقدرش أفرض على القطاع الخاص في ظل مشكلة أسعار المستلزمات الإنتاج واضطراب سلاسل الإمداد ومشاكل الطاقة اللي نتج عنه أسعار المنتجات الأوروبية وزادت علشان يعوض التكلفة".