”جهل وعيب” .. أول رد من مصطفى كامل على تصريحات صبري فواز عنه

رد الفنان مصطفى كامل على تصريحات الفنان صبري فواز عنه، وذلك في برنامج "مصر الجديدة" عبر شاشة قناة etc.

وقال مصطفى كامل: "ده جهل، لو هو بيقول كده يبقى بيجهل يعني إيه سينما ويعني ايه دراما، وهو لو فاهم كويس مكنش قال كده، عشان في حاجة اسمها أغنية تخدم العمل الدرامي غير لما يكون هو ده نهج حياتك، ولو هو ميعرفش مصطفى كامل يعني رحلة عمري يعنى أقوى من الأيام اللي خلت شباب كتير يرجعوا يقفوا على رجليهم تاني".

وأضاف: "وأنا بقوله عيب لأن لو الكلام كده يبقى الأستاذ عادل إمام في فيلم الهلفوت هو ده عادل إمام، وأنا مبعرفش هو كان قاصد ايه بالكلام ده لأني معرفوش وميتدخلش في ما لا يعنيه وهو محترمش زميل نجح قبله على الرغم من إنه ممكن يكون سنه أكبر من سني".

اقرأ أيضًا .. في هذا الموعد.. محمد أنور ورحمة أحمد ضيوف أمير كرارة في ”سهرانين”

بداية الأزمة

يذكر أن الفنان صبري فواز قد هاجم الفنان مصطفى كامل بعد كتابته منشور عبر صفحته على مواقع التواصل الاجتماعي، وقال: "ممكن حد يعرفنا إيه الفرق بين المهرجانات وقشطة يابا".