تعليق مثير من حمو بيكا بعد حصول حسن شاكوش على كارنيه الموسيقيين
وجه نجم الأغنية الشعبية حمو بيكا، رسالة خاصة عقب حصول المطرب الشعبي حسن شاكوش، على تصريح الغناء من نقابة المهن الموسيقية برئاسة هاني شاكر.
وكتب حمو بيكا، عبر حسابه الشخصي بموقع التواصل الاجتماعي فيسبوك: "الواحد مهما بيسعي أنه يوصل لحاجة معينة في بلده نفسه فيها لازم يكون فيه مطبات وعوائق قدامه توقفه عن اللي نفسه فيه ، بس الحمد لله والله مش بزعل ولا بتضايق من ده".
وتابع: "اللي بيزعل الواحد أنه يشوف حد غيره من غير أي مجهود بيوصل للي عايزة بسهولة ، المشكلة هنا فين ؟!، برغم أني سعيت كتير في أني أحل المشكلة دي.. بجد بقيت بتعجب كل يوم من اللي بيحصل!!.. هل ده من الطبيعي يعني؟؟.. يلا أهي كلها أرزاق".
اقرأ أيضا: مواعيد مسلسل «البيت بيتي» والقنوات الناقلة
واختتم رسالته: "ياريت كل الناس اللي بتحبني تدعيلي أني اعدي محنتي دي وأني أكون زي الأول وأحسن وزي ما فيه ناس بيتفتحلها سكك عشان تعدي، ياريت حد يعرفني السكة دي فين ومنين عشان أعدي.. بتمني محدش يفهمني غلط، أنا بس بحب أفضفض مع أخواتي.. الحمد لله على كل شيء".
