بمناسبة عرض ”الممر”.. محمد فراج: ”حسيت أن العمر رجع بيا 46 سنة”
شارك الفنان محمد فراج جمهوره ومتابعيه الاحتفال بذكرى نصر أكتوبر الــ46، بالإضافة إلى نعي الشهداء المصريين، حيث نشر صورة من دوره في فيلم "الممر"، والمقرر عرضه اليوم عبر شاشة التلفزيون على قناة ON E في تمام الساعة العاشرة مساءً.
وعلق "فراج" على الصورة التي نشرها عبر صفحته الشخصية بموقع تبادل الصور والفيديوهات "انستجرام":" صحيح ٤٦ سنه فاتوا على حرب أكتوبر لكن لما ابتديت تصوير الممر حسيت إن العمر رجع بيا ال ٤٦ سنه دول، حسيت أنا و كل كاست الفيلم اللى قدام الكاميرا و اللى وراها إننا جنود مصريين بنحارب على الجبهه".
وأضاف:" صحيح أنا ماكنتش عايش أيام الحرب الحقيقية لكن ربنا إدانى فرصة إنى أعيش جزء صغير قوى منها فى الفيلم و كان شرف كبير ليا إنى أساهم ولو بجزء صغير فى توثيق العمل البطولى ده و تسجيله فى تاريخ السينما المصريه".
وتابع الفنان محمد فراج كلامه:" يارب كل سنه نشوف ممر جديد، يارب كل سنه نشوف عمل بيحكى حكايات ماشوفناهاش ولا سمعناها عن أبطال مصريين اللى إستشهد منهم واللى عايش لحد دلوقتى .. حكايات لازم تتحكى و توصل للناس و خصوصا للأجيال إلى جايه ( عشان إحنا عندنا حكايات كتيييييير قوى )
