سيدة تطلب الخلع من زوجها: ”بيصرف فلوسه على الكيف”
رفعت "دنيا. أ" 40 عامًا، دعوى خلع بمحكمة الأسرة في التجمع الخامس، من زوجها لإنفاقه جميع أمواله على تناول المواد المخدرة، ولم يتبق لها ولأبنائه شئ.
وقالت الزوجة في دعواها: "جوزى بيصرف كل فلوسه على المخدرات، ومبيسألش في طالبات البيت والبنات، ولما بطلب منه أكل وشرب لبناته، بيقولي وديهم لأبوكي يأكلهم".
وأضافت الزوجة: "اتجوزت من 10 سنين، لسواق ميكروباص وربنا كرمنا بطفلين، وظروفنا المادية كانت متوسطة، بس كان دايما بيفكر في نفسه ويصرف عليها قبل البيت وولاده، ومكنتش بعترض أو أعلق المهم انه بيصرف، لحد ما حاله اتشقلب وبقي كل اللي وراه وقدامه بيروح للمخدرات".
وتابعت: "قبل الجواز طبعا كان حاجة تانية خالص، كل حاجه كان يجيبها من غير ماطلب، بعد الجواز ابتدي يتأخر على طلبات البيت بالأسبوع وأكثر، وبعدين أعتمد على اخوه الكبير هو اللي يصرف علي بيته، لحد ما فاض بيا، ورفعت عليه قضية خلع".
اقرأأيضًا: اليوم.. محاكمة 5 متهمين بقضية ”خلية الطلبة”
واختتمت دعواها: "بيتلكك على أي مشكلة عشان يتخانق ويسيب البيت من غير فلوس، ويقولي روحي لبيت أبوكي يصرفوا شويه على العيال"، فلجأت الزوجة لمحكمة الأسرة وأقامت دعوى خلع ونفقة، ولم يتم الفصل بها حتى الآن.
