”أوعوا تفتكروا إن هي دي النهاية”.. ريهام سعيد توجه رسالة مؤثرة لجمهورها (فيديو)

نشرت الإعلامية ريهام سعيد، فيديو جديد لها عبر حسابها الخاص بموقع تبادل الصور والفيديوهات "إنستجرام"، وذلك بعد أن قررت المحكمة تأجيل إلغاء القرار الصادر عن المجلس الأعلى لتنظيم الإعلام، بمنع ظهورها في وسائل الإعلام لمدة عام، لجلسة 22 مارس المُقبل.

وقالت ريهام سعيد من خلال الفيديو: "دايما حتى فى عز المصيبة وانتوا عارفين أنا مصايبي أد إيه ببقى متأكدة إنه خير، ومش هتصدقونى والله بزعل وبعيط وبحزن بس عمرى ما جالى الإحساس إن هي دى النهاية دايما بعدها بيبقى فى بداية وبداية أحسن".

وتابعت ريهام: عندى قناعة شخصية إن ربنا كبير وإن ربنا مبيعملش غير الأحسن لأن ربنا عظيم وكريم"، مضيفة: "كل ما أنت هتبقى كويس وكل ما أنت هتبقى نيتك كويسة للي حواليك أيا كان بقى يقولوا عليك بتمثل اوفر بتتمنظر مش مهم أنت حقيقى إيه ربنا هيعملك كل حاجة حلوة".

اقرأ أيضًا: بالتزامن مع عيد الحب.. منافسة قوية بين 5 أفلام جديدة في دور العرض السينمائي

واختتمت ريهام: "ربنا ليه هيعملك حاجة وحشة وانت حد كويس وحتى في ناس والله مش كويسين كتير وربنا مديهم كتير أوى لأن ربنا كريم جدا جدا ولطيف بعباده جدا".