«9 جلطات والدكتور قالي هتموت».. كريم عبد العزيز يكشف تفاصيل أزمته الصحية

كشف الفنان كريم عبد العزيز عن تفاصيل إصابته بعدد 9 جلطات في الرئة، مشيرًا إلى أنه فوجئ بهذا الأمر، وأن الدكتور أخبره بأنه سيموت بسبب عدد الجلطات، وذلك أثناء لقاءه مع الإعلامي محمود سعد في برنامج "sold out" على منصة واتش آت.

قال كريم عبد العزيز: "أنا كنت عامل لوالدتي تأمين صحي ورايح أعملها عملية في دولة لندن، وهناك اتفاجئت بألم غير طبيعي في صدري، في الأول افتكرتها برد، رحت عملت أشعة ومشيت من المستشفى، وتاني يوم كانت فيه رسايل عمالة تيجي لزوجتي من الدكتورة عايزة تقابلني فورًا".

تفاصيل إصابة كريم عبد العزيز بجلطات في الرئة

وأضاف كريم عبد العزيز: "رحت المستشفى لقيت الدكتورة مستنياني، وقالت لي إنت هتموت، إنت عندك تسع جلطات في الرئة، ازاي واقف على رجلك أصلًا فانا اندهشت جدًا، وبعدها أول حاجة طلبتها أني أشوف ولادي".

واستكمل: "قعدت في العناية المركزة أربعة أيام، وكانت أكتر حاجة مركز فيها ولادي، والأعمار بيدي الله، وساعتها طلبت أشوف دكتور تاني، وشوفت فعلًا وأكد لي إني عندي 9 جلطات بالرئة، وسألني: انت شغال إيه؟، قولتله ممثل، وخرجني بناء على اتفاق إني التزم بالأدوية وحقن السيولة، وطبعًا مفيش سجاير ولا ضغط، وعملت كل ده في لندن، والحمد لله انتهت الأزمة الطبية".

اقرأ أيضًا: كريم عبد العزيز: أنا محظوظ لأني الوحيد اللي مثلت مع سعاد حسني