أحمد فؤاد سليم: «المسلسلات بتعلم الكسل.. ويوسف شاهين قالي انت مفضوح»

كشف الفنان أحمد فؤاد سليم عن موقف تعرض له مع المخرج يوسف شاهين، مشيرًا إلى أنه وصفه بالممثل المفضوح بسبب الانفعالات التي تظهر دائمًا على وجهه.

وقال أحمد فؤاد سليم خلال ندوة تكريمه في دار الأوبرا: "الفن ضرورة وكل المفكرين قالوا كده، إحنا المفروض بنعرض مشاكلنا وقضايانا علشان نحلها، وأنا في الحوار الوطني قولت إن المسلسلات حالة ضارة، لأنها علمت الناس الكسل، والهمة راحت والعيال الصغيرة مبقتش تشيل الكوباية علشان عارف إن حد غيره هيشيلها".

تصريحات أحمد فؤاد سليم

وتابع أحمد فؤاد سليم: "إيقاع الحياة بقى مختلف، هل الفنانين عارفين الاختلاف ده؟ هل الفن بدأ يحاكي هذه الأشياء؟ لأ للأسف، يوسف شاهين مرة قالي انت ممثل مفضوح يعني أي انفعال بسيط بيبان على وشك، وقالي المفروض تقرأ قراءة رشيدة".

وأضاف: "التمثيل الكلاسيكي فيه نسبة انفعال، الناس بقت تصطنع أشياء وده بسبب الفن للأسف، يعني مثلًا الصوت العالي ده مش بطولة ممكن البطولة تكون في قلبك مش لازم الشكل المفتعل ده محدش هيصدقك بعد شوية، يوسف شاهين علمني الدرس ده".

اقرأ أيضًا: أحمد فؤاد سليم: «الذكاء الاصطناعي قضية يجب مناقشتها مثل ارتفاع نسب الطلاق»