مرتضى منصور مهاجما جماهير الزمالك: «عيب اللي بتعملوه وأمير حارقكم»

حسم مرتضى منصور رئيس مجلس إدارة نادي الزمالك، مصير البرتغالي جوسفالدو فيريرا المدير الفني للفريق الأول لكرة القدم، بعد تراجع مستوى الأبيض الفترة الأخيرة.

وقال مرتضى منصور في تصريحات عبر قناة "الزمالك": "طالعين يقولوا فيريرا مش عايز إسماعيل يوسف في الجهاز الفني، ميعرفوش إنه حضنه في التدريب النهاردة وقدمه للاعيبة".

وأضاف: "هو مرتضى معندوش الشجاعة يمشي فيريرا؟، دا أنا مشيت حازم إمام وميدو، ومهيب كان على الهوا بيسألهم هتعملوا إيه الفترة الجاية؟ فرد عليهم وقالهم ده تم إقالتكم".

وأوضح مرتضى منصور: "فيريرا قاعد لنهاية عقده، واللي بيقول إن إسماعيل يوسف جاي يطفشه، بقوله عيب".

ووجه رسالة لجماهير الزمالك: "سيبونا نشتغل والعيال اللي بتهاجم أمير بقولهم مين اللي جاب ساسي وبن شرقي ودونجا هو اللي جابهم، فاللي بيقول كدة أنت قليل الأدب وأمير حارقك أوي".

اقرأ أيضًا: مرتضى منصور: «أنا أنقذت الزمالك.. وفتوح مستخبي علشان تأثير المخدرات»

يذكر أن مرتضى منصور قرر تعيين إسماعيل يوسف مدربًا عامًا في الجهازالفني للزمالك، بعد اعتذار أسامة نبيه عن الاستمرار في منصبه بعد أزمته الأخيرة مع فيريرا.