أحمد عيد يحسم الجدل حول غيابه عن الساحة: «الجملة مش كاملة»
رد الفنان أحمد عيد على ما تم تداوله خلال الفترة الأخيرة حول تصريحات منسوبة خاصة بعدم مشاركته في أعمال فنية جديدة وغيابه عن الشاشة.
وقال أحمد عيد عبر صفحته الشخصية بموقع التواصل الاجتماعي: "أنا مش بحب أعلق على الحاجات اللي من النوع دا بس عشان بشوف البوست دا كتير.. أولاً الكلام دا من 5 سنين في عرض فيلم ياباني أصلي".
وأضاف: "وكان رد على سؤال أنت غايب ليه ومبنشوفكش كتير فكان ردي في سياق معين والجملة مش كاملة ومش مقصود بيها التأكيد إن محدش بيشغلني لأنها مينفعش تتقال بالشكل ده.. غير كدة إن أنا في الحقيقة مبشتغلش أي حاجه ومش فارق معايا تواجدي بشكل دائم عمال على بطال".
واختتم كلامه: "أنا هشتغل الحاجات اللي أنا مقتنع بيها وشايفها مناسبة ليا.. معلش أنا بس حبيت أقول الكلمتين دول وليلتكم سعيدة ويارب منشوفش البوست ده تاني".
اقرأ أيضًا: الفنان يحيى الفخراني يصل عزاء إبراهيم حجازي
يذكر أن آخر أعمال الفنان أحمد عيد كان فيلم "خلاويص" الذي شاركه في بطولته كلا من آيتن عامر وطارق عبد العزيز ومحسن منصور وأحمد فؤاد سليم ومحمد حاتم وآخرين وكان العمل تأليف لؤى السيد وإخراج خالد الحلفاوي.
