حموبيكا يعتذر على الهواء مباشرة لهاني شاكر ”أخوك الصغير وغلط”

بعد اقتحامه نقابة الموسيقيين وتوجيه هجوما حادة على النقيب الفنان هاني شاكر عاد مطرب المهرجانات الشعبية، حمو بيكا، للاعتذار من النقيب.

ووجه حموبيكا رسالة اعتذار إلى الفنان هاني شاكر، نقيب الموسيقيين، عما بدر منه في الأزمة الأخيرة، قائلًا: "أنا أخوك الصغير، وأنا آسف لحضرتك".

وأضاف خلال لقائه مع برنامج "على مسؤوليتي"، المذاع عبر فضائية "صدى البلد"، مساء اليوم السبت: "قدام الناس كلها أنا بتأسف لك، ومكنش قصدي، آنا كل هدفي إني أوصلك رسالة إني عايز آكل عيش بس، وأنا عايز أمشي قانوني وهما اللي بيرفضوني".

وأضاف حديثه إلى الفنان هاني شاكر: "أنا أخوك الصغير ويا ريت تسامحني، وكنت بكلم حضرتك على الواتساب دايمًا، وكنت بتسمع مني الرسائل ومش بترد عليا، وأنا والله معايا 20 نفر بياكلوا عيش".

حموبيكا أضاف في اعتذاره: "أنا بتأسف لك على الهواء، لأني أخوك الصغير، واللي هتحكم بيه أنا راضي بيه، بعتذر له عشان مكنش قصدي اللي حصل، أنا بلدي بحبها، ومليش أكل عيش غير في بلدي".