محمد إمام يوجه الشكر لجمهوره وزملاءه بعد انتهاء «هوجان»

وجه النجم محمد إمام الشكر إلى جمهوره بعد نهاية مسلسله الجديد "هوجان" الذي شارك من خلاله في ماراثون رمضان الدرامي هذا العام، من خلال منشور.

وكتب "إمام" عبر صفحته الشخصية على موقع التواصل الاجتماعي فيسبوك قائلًا: "من أول رمضان وانتوا الحمد لله بتشكروا في هوجان.. دلوقتي أنا اللي عاوز أشكركم.. على كلامكم و حبكم و تفاعلكم بالمسلسل.. بجد حسستوني إن هوجان قريبكم أو واحد من العيلة، خفتوا عليه لما لعبوا بيه.. صعب عليكم لما أكل من الزبالة.. فرحتوله لما استلم شغل جديد.. احترتوله يحب وردة ولا نور.. قلقتوا عليه لما ضربوه بالنار.. زعلتوا منه أوي لما انحرف.. شجعتوه ينتقم من اللي يتموه.. اطمنتوا لما شال ابنه.. اتبسطوا لما لقى خالته.. عيطوا لما لقى أبوه".

وتابع محمد إمام قائلًا: "علشان لما أقولكم انتوا مش معجبين.. انتوا أهلي و إخواتي تبقوا تصدقوني.. ادعولي أقدر أقدم لكم حاجات عظيمة زيكم".

وأضاف "إمام" لفريق عمل "هوجان" قائلًا: "عاوز أشكر كل طاقم فريق العمل اللي شاركني رحلة هوجان.. فنانيين و فنيين و عمال ومساعدين.. مشوار طويل مليان تعب و مجهود و ضحك و قلق و حب.. شكرًا على الأيام الجميلة دي .. النجاح ده بتاعكم أنتم.. عمري ماحنساكم". 

كما وجه محمد عادل إمام الشكر لزملائه من الفنانين قائلًا: "وبشكر زمايلي الممثلين اللي فِرحولي وكلموني يباركولي.. و اللي اتكلموا عن مسلسلي في مسلسلاتهم.. نجاح أي واحد مننا نجاح للجيل كله.. أشوف وشكم على خير.. و عيد سعيد على مصر و كل الوطن العربي إن شاء الله.. و استنوا اللي جاي.. عشان اللي جاي مجاش زيه".

يذكر أن "هوجان" من بطولة كل من محمد إمام، كريم محمود عبدالعزيز، صلاح عبدالله، رياض الخولي، عايدة رياض، أسماء أبو اليزيد، عارفة عبد الرسول، ميرنا نور الدينن هاجر أحمد، والمسلسل من تأليف محمد صلاح العزب، وإخراج شيرين عادل.