محامية فاتن موسي تعلن مقاضاة مصطفي فهمي مرة ثانية

كشفت إيناس فوزي، محامية الإعلامية اللبنانية فاتن موسى، آخر تطورات أزمة موكلتها حول طلاقها من النجم الفنان مصطفى فهمي.

وخلال مداخلة هاتفية لـ "فوزي"، مع برنامج ET بالعربي، تحدثت المحامية عن مستجدات الأزمة، قائلة: "إحنا في نيابة الدقي دلوقتي بنحرر محضر بلطجة واستعراض قوة وسيطرة، علشان كانوا حابسين مدام فاتن في شقة الزوجية من بعد عصر يوم الأربعاء، لغاية لما هي عملت استغاثة للنيابة على النت برسالة، وادولها رقم فحص وتحقيق واستنت إن حد يجيلها مفيش، وبعدها انهارت".

اقرأ أيضا: شاهد.. دنيا سمير غانم تشارك في اليوم العالمي للطفل

وأردفت المحامية إيناس فوزي: "كانوا مانعين عنها أي حاجة، على الساعة 10 بالليل يوم الخميس قلت لها اتصلي بالنجدة وأنا جيالك على أساس كل الناس بقت خايفة تجيلها حتى الحارس اللي كان بيحرسها خاف، وقعدوا يقولوا لها وقتك انتهى ومصطفى بيه الباشا بتاعنا يقدر ييجي في أي وقت حتى الفجر ده بيته وهو حر يعمل اللي هو عايزه. بعدها اتصلنا بالنجدة والنجدة جت وعاينت ولقت الراجل موجود قدام باب الشقة لزق والبواب بيحميه والأدوات اللي كان بيستعملها عصاية وسكينة بيخبوها في أوضة البواب وبيقولوا لها وقتك خلص".

واختتمت حديثها، قائلة: "بسبب كلمة وقتك خلص قلت لها لازم تتصلي بالنجدة عشان تعمل لك حراسة، بعدها اتحرر محضر والبواب والبلطجي اتحبسوا وإحنا في النيابة علشان نبتدي تحقيق قضائي، وهما قالوا مصطفى باشا فهمي بيقول لنا إعملوا كده، إحنا بننفذ أوامر الباشا بتاعنا. ربنا هيجيب حقها علشان هما بيتعرضوا لها في نفسها وشرفها وبيهددوها بصور".