عاجل… ”أنا مش بتاع مخدرات” عمر كمال يخرج عن صمته بسبب الثانوية العامة

خرج الفنان عمر كمال عن صمته وحرص على التعليق على الانتقادات التى تعرض لها خلال الساعات الماضية، من أحد المتابعين، بعد توجيه رسالة لطلاب الثانوية العامة بعد إعلان النتيجة.

وقال أحد المتابعين لعمر كمال: "ربنا يهديك ويتوب عليك يا رب، وربنا يرزقك من حلال.. صدقني إنت فيك خير كبير قوي، ويا رب تسمع كل حد بيحبك وبينصحك وبيتمنى لك الخير.. وتترك الأبواب الحرام؛ الموسيقى والرقص والحفلات، وتتأكد إن اللي عند ربنا أحسن بكتير.. والجنة غالية قوي.. وربنا مش هيضيع عبد رجع ليه.. هتلاقي ناس كتير بتنصحك في الكومنت هنا.. الناس دي هي اللي عايزة لك الخير بجد".

ورد عمر كمال، على رسالته، قائلا: "يا شيخ علاء.. أنا بقول الثانوية العامة مش نهاية الدنيا أهم حاجة انك تشتغل وتتعب وتحقق لنفسك عيشة كريمة وأكيد بديهي جدا هتكون بالحلال.. أنا مش بتاع مخدرات ولا إنسان وحش للدرجة دي علشان الناس تعاملني بالشكل ده، كلنا بنتعب وبنشتغل علشان نجيب فلوس ونعيش عيشة كويسة في الآخر وده قصدي".

وكان مطرب المهرجانات عمر كمال تعرض لانتقادات عديدة مع إعلان نتائج الثانوية العامة، إذ كتب منشورًا عبر حسابه بموقع فيس بوك ووجهه لطلبة الثانوية العامة.

وكتب عمر كمال عبر حسابه: "جبت 90 % جبت70 % جبت40 % الشاطر اللي يعرف يجيب فلوس ف الاخر".

وبعد الانتقادات التي تعرض لها عمر كمال كتب لمهاجميه: "الغرض من البوست إني بقول أهم حاجة تشتغل في الآخر وتقدر تعيش كويس يعنى بلاش يأس حتى لو مجموعك مش كبير .. ليه الناس اخدت الكلام غلط !!! وجابته نحية الكسل وان الإنسان ما يتعبش".

سبق أن كشف مطرب المهرجانات سبب اتجاهه لغناء المهرجانات مؤكدًا أن السبب هو ذوق الجمهور، خلال لقائه مع الإعلامي عمرو أديب، مقدم برنامج "الحكاية"، عبر شاشة قناة "MBC مصر الفضائية"، إذ قال ذوق الناس خلاني أروح للسكة دي".

اقرأ أيضًا: ”أستاذ الأجيال”.. نجوم الفن ينعون الكاتب الكبير فيصل ندا

وأشار إلى أنه كان لا يغني أغاني المهرجانات وكان لديه فرقة جيدة لكنهم كانوا لا يحصلون على أموال ولا تتخطى 2000 أو 3000 جنيه، حتى اتجه للمهرجانات كي يجني أمولًا إذ قال:" المهرجانات راكبة خالص على اللون بتاعي. طب أنا عايز آكل عيش، يبقى لازم أروح للسكة دي".