شريف منير: ”الفنانين عايشين في الفتة ومش حاسين بالناس”
شارك الفنان شريف منير، جمهوره ومتابعيه صورة جديدة برفقة الفنان أحمد السقا والنجم أحمد رزق، على أحد شواطئ البحر خلال قضاء عطلته الصيفية.
وبتعليق ساخر صحب شريف منير الصورة كاتبًا: "آدي يا سيدي الفنانين.. عايشين في الفتّه.. وبيصيفوا.. ولا حاسين بالناس ولا حاسين بحاجة.. وسايبين الناس في الحَرررر والقرف.. حرام عليكم.. حِسّوا بالناس.. حسبي الله ونعم الوكيل فيكم يا فنانين".
وتفاعل عدد كبير من المتابعين مع الصورة وجاءت بعض التعليقات كالتالي: "أيوة ليه الاستفزاز يعني هو فعلا كدة والله انتو فس حتة وإحنا في حتة مع إن في ناس بتمثل مينفعش تمثل وإحنا نمثل أحسن بس أهو هي دي الدنيا عشان مش معايا وسطه بس"، و"ومين قالك الناس بتقول الكلام دا دي أرزاق يا فنان ربنا يزيد كل الناس اللي أنت منهم".
وعلق آخرون كالتالي: "شريف منيير فووق يعمل اللي هو عاوزه... مش مهم الناس"،"طيب ليه الحسبنة يا عم مسامحين تتهنوا ربنا يسعد الناس كلها"، "اه والله عيب كنتوا اخدتواَ الناس معاكم بس مين يحس"، "مالوش لازمة الكلام اللى ع الصورة يا فنان".
اقرأ أيضًا: ياسمين صبري تتصدر التريند بعد صورتها بالسيارة الجديدة.. ومتابعون: ”هي دي الطبطبة”
آخر أعمال شريف منير
وكان آخر أعمال شريف منير مسلسل "ونحب تاني ليه"، الذي شارك من خلاله في السباق الرمضاني 2020، وشارك في بطولته مع ياسمين عبد العزيز، وهو من تأليف عمرو محمود ياسين، وإخراج مصطفي فكري.
