”خانها التعبير ولا تجيد العربية”.. شريف منير يدافع عن أسما بعد هجومها على الشعراوي
ياسمين حمادة -
تواجه أسما شريف منير سيلا من الهجوم الانتقادات وغضب الجمهور، بعد إساءتها للشيخ الراحل محمد متولي الشعراوي، الذي يعد واحدًا من أهم الرموز الدينية في مصر والوطن العربي.
ووصفت أسما شريف منير، الشعراوي بـ"المتطرف"، وذلك بعدما طلبت من متابعيها عبر صفحتها الرسمية بموقع التواصل الإجتماعي "فيسبوك"، ترشيح اسم أحد الدعاة لمتابعته، ورشحوا لها الشعراوي.
ومن جانبه، علق والدها الفنان شريف منير، قائلًا: "ابنتي خانها التعبير خلال حديثها عن الشيخ الشعراوي، وما قالته هو زلة لسان ولم تقصد أي إهانة".
وأضاف:" خانها التعبير فقطـ، وذلك يرجع بسبب تعليمها باللغة الإنجليزية، وعدم إجادتها العربية بشكل جيد".
وبعد ما شن رواد التواصل الاجتماعي هجومًا حادًا عليها، اعتذرت "أسما" شريف منير عن الوصف الذي وصفت به الشيخ الشعراوي، وقالت عبر صفحتها الرسمية بموقع "فيسبوك" :" حصل بينى وبين شخص حوار اسأت فيه التعبير عن اللي عايزه أقوله و حساه، اتفهم فهم كلامى علي انى انتقد فضيلة الشيخ متولي الشعراوى انا بتكلم من غير ما بحسب كلامي و انا مقصدش باي حال من الاحوال اني اغلط أو يوصل كلامي بشكل غلط كده".
وأضافت:" انا مش بقيم فضيلة الامام ، انا عموما عمري ما احب اغلط في حد، و انا باعتذر جدا جدا عشان لم استطع ان احسن التعبير واختيار الكلمات الصحيحة وده يمكن عشان لسه بتعلم و ده عن عدم ادراك انا لسه بتكلم علي طبيعتي زي اول يوم قررت اني اظهر علي السوشيل ميديا، بس دلوقتي لازم اخد بالي من كل كلمه بقولها عشان كل حاجه بتتحسب عاليا و ده جديد عليا".
وتابعت ابنة الفنان شريف منير:" و كل مافي الموضوع اني كنت بدور عن مرجع دينى و دروس دينية عشان افهم بشكل مبسط و عشان افهمه كنت محتاجه حاجه تناسب استيعابي ، و الشيخ الشعراوى أعمق من قدراتى لأني في حاجات فعلاً مفهمتهاش، وانا مبتدئة بحاول اتعلم و اقرب اكتر من ربنا، و عموما انا بعتذر فعلا عن ذلت لساني وكلمتى..و حقيقي انى اكن للشيخ الشعراوى كل احترام وتقدير رحمه الله وجزاه كل خير، و ربنا عالم نيتي ايه".