تامر عبدالمنعم يكشف أسباب استقالته من غرفة صناعة السينما
كشف الفنانة تامر عبدالمنعم، الأسباب التي جعلته يقدم استقالته بشكل رسمي من غرفة صناعة السينما.
تامر عبدالمنعم يكشف تفاصيل استقالته من غرفة صناعة السينما
تحدث تامر عبدالمنعم، عن تفاصيل استقالته من غرفة صناعة السينما، وذلك خلال بث مباشر على حسابه الرسمي، عبر موقع تبادل التواصل الاجتماعي فيسبوك.
وقال عبدالمنعم، خلال البث المباشر: "أنا قدمت استقالتي من غرفة السينما بسبب أزمة شركة إنتاج، لأن محامي الشاكي توجه بخطاب بيشكو فيه الغرفة، وفيه ناس بتقول أحنا مش جهة عشان نطلع قرارات".
وتابع: "لو أنا مش جهة يبقى مقعدش في جلسات زي دي، وميصحش أطلع صغير دا أنا مدير، وكل اللي في الغرفة مش صغيرين، حد بيقولي غرفة صناعة السينما متقدرش تمنع حد، دا على أساس أن الغرفة ممنعتش أحمد السبكي لما اتخانق مع وائل الإبراشي والغرفة اتقلبت ساعتها عشان يوقفوا السبكي؟".
وأضاف: "ما بتعرفوا تمنعوا أومال ليه مش بتمنعوا الظالم وتجيبوا حق الشاكي؟ وكفاية نناقش مواضيع بتقلل مننا والأحسن ندور إزاي نطور الصناعة".
وأردف: "أنا بحيي السعودية لأنهم نوروا المسارح، وخلقوا صناعة سينما جديدة، ولهم أفلام بتتعرض في مصر، ولازم نفكر إزاي نطور الكيان المصري لأن دلوقتي فيه منافسة".
واستكمل: "والحمد لله المتحدة عاملة توازن وبنشوف أقوى المسلسلات في رمضان وكفاية المسلسل العظيم الاختيار، لكن مينفعش نقف قدام مشاكل تقلل مننا وخناقات ومين أخد فلوس من مين".
اقرأ أيضًا: غدا.. وائل جسار ومصطفى كامل يحييا حفلا غنائيا في ممشى أهل مصر