برلنتي فؤاد حول زواجها من سعد الصغير: ”بعتبره أخويا الكبير”
نفت الممثلة برلنتي فؤاد، زواجها من النجم سعد الصغير، وذلك بعد أن أعلنت مطربة شابة تحمل اسم "برلنتي" عن زواجها من سعد الصغير.
ونشرت برلنتي صورة تجمعها بسعد الصغير، وأخرى لزوجته الأولى مع الفنان، وذلك عبر حسابها الشخصي بموقع التواصل الاجتماعي فيسبوك، وعلقت: "تنويه هام جدا، مكنتش حابه أتكلم لأني مش بهتم ولا فاضية بس الموضوع زاد عن حده وأنا ليا حق التوضيح والرد".
وتابعت: "جالي أكتر من مكالمة حول موضوع زواج سعد الصغير من شخصية تدعي اسم (برلنتي) وهي اسمها الحقيقي (هدير محمد محمد فتحي).. وليس برلنتي، لأن في أخبار كاتبة زواج سعد الصغير من برلنتي فقط في أشخاص كتير افتكرتني أنا، أولا الراجل ده النجم سعد الصغير بعتبره أخويا الكبير ومراته أم أولاده أكتر من أخت بالنسبالي وأولاده أخواتي وبكن ليهم جميعا كل احترام وتقدير وربنا يخليهم لبعض، وفي ناس كتير عارفة معزتهم عندي".
وأضافت: "طبعا غصب عن اللي بيسألوني لأنهم عارفين اسم برلنتي واحد فقط في الوسط الفني اللي هو أنا مفيش تاني وفعلا مفيش تاني، محدش يستخدم اسمي في جملة مفيدة للترويج أو الشهرة، وهذا توضيح مني أنا شخصيا حول ما تردد الساعات الماضية لأن الواحد بيحب يحافظ علي مكانته وسمعته واحترامه ووضعه واسمه، شكراً (برلنتي فؤاد)".
اقرأ أيضًا: أهداها خاتم ألماظ.. من هي المغنية بيرلنتي عامر زوجة سعد الصغير الجديدة؟ (صور)
وكانت بيرلنتي عامر قد وجهت رسالة إلى زوجة سعد الصغير الأولى كتبت فيها: "الست المحترمة اللي أنا شخصيا بحبها طنط أم محمود مرات سعد الأولى، بتبعت ناس تشتمني على العموم أنا عمر ما حد شتمني هنا، وبتقول كلام غريب جدًا، حسبي الله ونعم الوكيل".
