بعد إصابتها بكورونا.. ريم العدل تدافع عن مهرجان الجونة وتستنكر الحملة ضده
أعربت الإستايلست ريم العدل، عن استيائها الشديد بسبب إدانة مهرجان الجونة، بعد إعلان إصابتها بفيروس كورونا، بعد ردود الأفعال التي تلقتها فور إعلان إصابتها، حيث دافعت عن مهرجان الجونة مستنكرة الترصد ضده.
وكتبت ريم العدل، من خلال منشور عبر حسابها الخاص بموقع التواصل الاجتماعي "فيسبوك": "امبارح كتبت بوست بعلن فيه إصابتي بكورونا، واللي أنا مش شايفاها عيب ولا وصمة، لا أنا أول واحدة ولا آخر واحدة يا جماعة، إحنا في وباء عالمي، وكل واحد مصاب أو مخالط عليه مسؤولية أخلاقية يبلغ اللي حواليه على فكرة عشان ياخدوا احتياطاتهم".
أضافت ريم مستنكرة :" المهم من أول ما كتبت البوست وأنا عمال يجيلي مكالمات من صحفيين طالبين تصريحات ومداخلات في برامج مهمة لادانة مهرجان الجونة ومش فاهمة ليه بجد؟".
وتابعت: "كأن فيه ترصد لمهرجان الجونة اللي الحقيقة وبشهادة وزارة الصحة نفسها كان واخد كل الإجراءات الوقائية، أي فعاليات مش تحت إشراف المهرجان مباشرة لا تخضع لمسئوليته وإنما هي تحت مسئولية منظميها، زائد إن كلنا أفراد راشدين مسئولين عن قراراتنا وسلوكياتنا".
استطردت: "فا نهدا شوية يا جماعة وعلى فكرة أستاذة نشوى مصطفى ربنا يقومها بالسلامة يارب ما كانتش في الجونة أصلًا! ووجز ماكنش في مهرجان الجونة ده واحد كان مسافر الجونة مع أصحابه، طيب بلاش تامر هاشم أعلن إصابته قبل الجونة أصلًا".
اقرأ أيضًا: حقيقة نعي شيماء سيف لشيكابالا وسب زوجته لها
واختتمت ريم العدل حديثها: "وأكيد تامر هاشم أشهر مني بس ما تعملش علي تصريحه الزيطة اللي حصلت امبارح عشان ماكنش في ساعتها جونة نلوم علي منظميها.!! كفايا يا جماعة ارحموا نفسكوا.!! . أنا ما شوفتش ناس بتتلكك عشان توقف الحياة بالطريقة دي! ربنا يسلّم ويحفظ الكل".