”كهربا ردك في الملعب”.. جماهير الأهلي تشعل ”تويتر” لدعم لاعبها بعد أزمة فضل

ما زالت أزمة محمود كهربا لاعب الفريق الأول لكرة القدم بالنادي الأهلي، ومحمد فضل عضو اللجنة الخماسية تتصدر المشهد الكروي في مصر، رغم إعلان التصالح بين الطرفين.

وأعان اتحاد الكرة في بيان رسمي عن التصالح بصورة ودية بين الطرفين، مشيرًا إلى أن كلًا منها تفهم موقف الآخر قبل أن يتم حذف البيان بعدها بدقائق.

ورغم طي صفحة الأزمة، إلا أن جماهير الأهلي ما زالت مستمرة في دعم لاعب الفريق، ولاسيما بعد استبعاده من قائمة المنتخب لمواجهة توجو في ظل الحاجة لخدماته بعد استبعاد الشحات وغياب رمضان صبحي منذ فترة طويلة.

ودشنت جماهير الأهلي هاشتاج "كهربا ردك في الملعب" الذي أشعل موقع التدوينات القصيرة "تويتر" لدعم خلال الفترة المقبلة، والتي تشهد مواجهة هامة في المباراة النهائية لدوري أبطال إفريقيا أمام الفائز من موقعة الزمالك والرجاء.

وجاءت مشاركات جماهير الأهلي كالتالي:

• بعض الأشياء جميلة عن بعد، استمتع بالنظر إليها ولا تقترب

• كل الدعم ليك يا صاحب صاحبك وربنا معاك مستنين منك الكتير

• "كهربا يمثل الأهلي، جمله كبيرة وعظيمة في آن واحد، قالها سيد عبدالحفيظ على العلن، محاولات كثيرة لاستدراج كهربا خارج نطاق الكورة، فمن الحكمة أن رد كهربا عليهم يكون من خلال الملعب خاصة بعد ما الأزمة الأخيرة ثبتت أن جمهور وإدارة الاهلي داعمين دايما لاعيبتهم".

• "شفت لما بتكون على حق الكل بيقف معاك يا كهروب النادي والجماهير فمتخليش حد يمسك عليك غلطة".

• "ركز ووصل ردك في الملعب، احنا مستنيين منك كتير يا فولت".

• أفصل عن كل حاجة، ودور دايما إزاي تسعد الجمهور اللي وقف في ضهرك، منتظرين جهد مضاعف الفترة الجاية".

• "كهربا إنت لاعب كبير والأهلي اشتراك ورجعك لناديك وبيتك تاني لازم تكون على قدر المسؤولية".

• "إدارة الأهلي والجمهور وقفوا معاك ودعموك متركزش في أي استفزاز من أي حد وخلي هدفك الملعب فقط".

• أفضل الردود ردك في الملعب وسط ملايين المشاهدين، كلهم بيعرفوا يتكلموا بس الأهم الفعل للرجال فقط".

• جمهور الأهلي مستني منك كتير عندك نهائي آخر نوفمبر ركز إنت وزمايلك عشان ترد على كل اللي عاوزين يوقعوك وخير الرد بالعمل".

• الأهلي لم يتركك في أي محنة وخصوصا آخر مشكله مع فضل ووقف في ضهرك كن على قدر المسؤولية وسيبك من السوشيال ميديا شوية وركز في الملعب".

• أنت حاليا بتمثل النادي الأهلي ركز في تدريبك وخلي تركيزك في الملعب وإحنا معاك ضد أي حد يغلط أو يفكر يغلط فيك.

• أحلى شغل تعملوا وأنت ساكت، طلع كل اللي جواك شغل ف الملعب.

اقرأ أيضًا: ”الأهلي أقوى من اتحاد الكرة”.. الغندور يفتح النار على الجبلاية بعد أزمة كهربا وفضل

• مافيش لاعب مش بيعيش تحت ضغط وهجوم والمطلوب منك انك متتأثرش بهجوم أي حد لأن المقصود منها واضح، مؤمن زكريا عاش مع ده كتير وفي يوم من الأيام بقى عقدة الزمالك في الملعب، جمهور الأهلي بيحبك ودايما بيدعمك مستنين الكتير منك يا كهربا.