أسما شريف منير تفاجئ الجميع برسالة خاصة لـ”مرات أبوها”
فاجأت الإعلامية أسما شريف منير، ابنة النجم شريف منير، جمهورها برسالة خاصة لزوجة والدها الفنانة المعتزلة لورا.
ونشرت ابنة شريف منير، صورة لزوجة والدها، عبر حسابها الشخصي بموقع التواصل الاجتماعي فيسبوك، وعلقت قائلة: "الست الجميلة اللي في الصورة دي هي (لورا) مرات أبويا!، ايه ده هو في مرات أب حلوة كده أومال فين الحوافر والعيون الشريرة".
وتابعت: "مش مرات اب؟ يبقي أكيد لازم تكون شريرة وبتعذب الولاد وبتشغلنا في البيت، ده اللي المجتمع والأفلام دايماً بيصدروا بس الحقيقة إن الست دي من أطيب وأجمل وأجدع الستات اللي في الدنيا، عمرنا ما اتخانقنا يمكن اختلفنا مرة بس عمرها ما اتعدت على حقوقنا ولا التزمات أبويا لينا، أم إخواتي أو بناتي عشان هما صغنانين، هي عيلتي وحبيبتي، لما بزعل مع ابويا بتقف جنبي حتي لو هيتخانق معاها، أنا وهي أصلاً شخصيتنا قريبة من بعض بتفهمني وبتحس بيا".
اقرأ أيضًا.. محمد يسري يكشف مشاركته في مسلسل يحيي الفخراني الجديد (فيديو)
وأضافت: "انا عمري ما اتكلمت عنها عشان هي بعدت عن الأضواء من زمان، بس حسيت إني لازم أقولها إني بحبها وبحترمها وأديها حقها، وعشان اقول لأي ست لو إنتي مرات أب لأولاد لازم تتقي ربنا فيهم وصاحبيهم وحبيهم كأنهم ولادك وربنا هيجازيكي كل خير وجوزك هيشيلك فوق راسه.. بحبك يا لولو أوي وربنا يخلينا لبعض كلنا ديماً وشكراً علي كل حاجه حلوه عملتيهالي..أه وبالناسبة هي بتعمل أفكار حلوة أوي علي الإنستجرام تابعوها".