بعد تسريب كليب أماكن السهر| دينا الشربيني تريند تويتر.. ومتابعون: يا بختها بـ عمرو دياب
تصدر اسم الفنانة دينا الشربيني تريند موقع التدوينات القصيرة "تويتر"، وذلك لظهورها لأول مرة كموديل مع عمرو دياب في كليبه الجديد "أماكن السهر".
متابعون يعلقون على علاقة عمرو دياب بـ دينا الشربيني
وأعرب المتابعون عن إعجابهم الشديد بعلاقة عمرو دياب ودينا الشربيني، وجاءت تعليقات المتابعين كالتالي: "دينا الشربيني ضايفة حلاوة مش طبيعية على كليب عمرو دياب"، "يا بخت دينا الشربيني بعمرو دياب والله"، "طول عمرى بقول إن عمرو دياب هو اللي يا بخته ب دينا الشربيني والكليب الجديد والله هي اللي محلياه".
وعلق آخرون كالتالي: "كليب في أماكن السهر حاجة قمر أوي وعمورة قمر ودينا الشربيني قمرين وحبهم حلو أوي"، "إحنا بنشوف دينا الشربيني وعمرو دياب بنتبسط انبساط غريب يا أخي"، "عمرو دياب ودينا الشربيني بيخلوني أحس اني محتاجة أتحب وارتبط وانبسط وبعدين بفتكر حياتي العاطفية عاملة إزاي فبتصعب عليا نفسي و أعيط".
كما علق متابعون كالتالي: "طول عمرى بقول نفسي أكون شيرين رضا لما أكبر، دلوقتى أنا عايزه أبقى دينا الشربينى جدا، فواضح إن الموضوع مرتبط بعمرو دياب عرفوني على عمرو دياب يا جماعة"، "اللطف حاجة شوفتها انهارده لما لقيت عمرو دياب شايل دينا الشربيني علي ضهره في الكليب الجديد اللي هو مبيحصلش هنا ليه داا هاا مبيحصلش ليه".
وجاءت تعليقات آخرون كالتالي: "لازم نعترف إن دينا الشربيني دخلت حياة عمرو دياب عملت فرق، بغض النظر عن إن شكله ماشاء الله يعني بيبان أصغر من سنه، لكن أغانيه وكليباته وأسلوبه نفسه صغر بقى فيه طاقة شباب آكتر من شباب اليومين دول ذات نفسهم، يلا ملناش دعوة بحد"، "مساء الخير أنا دلوقتي غيرانة من دينا الشربيني مش عشان عمرو دياب اللي بيغنيلها لا بس تخيل حد يغنيلك كلمات الأغنية دي".
تسريب كليب أماكن السهر
وشهدت الساعات الماضية، أزمة كبيرة لعمرو دياب وصناع الكليب، بعد تسريبه على مواقع التواصل الاجتماعي، حيث ناشد مؤلف الأغنية تامر حسين جمهور عمرو دياب بعدم إعادة نشر الكليب المسرب.
وكتب على صفحته بموقع "فيسبوك": "الكليب اتسرب وأتمنى من الصفحات المحترمة اللى بتحب الفنان عمرو دياب وبتدعمه ماتنشرش الفيديو عشان تلم لايكات".
اقرأ أيضًا: بعد عرض منزله للبيع بتخفيض 1.35 مليون دولار.. روبن ويليامز يتصدر التريند
وتابع تامر حسين:" لو صفحات فعلاً بتدعم الفنان عمرو دياب وكل الناس اللى تعبت فيه ساعدونا ماتنشروش الكوالتى دى من فضلكم عشان مفيش صفحات تتقفل باستخدام محتوى مش ملكها والكليب النسخة الأصلية بيجهز للنزول".
أغنية "أماكن السهر" تم تصويرها بالساحل الشمالي، ومقرر طرح الكليب غدا الجمعة، والأغنية كتب كلماتها تامر حسين، ولحنها عزيز الشافعي، ومن توزيع أسامة الهندي.