”كله بيفتي قولت أفتي”.. فريدة سيف النصر تعالج كورونا بالفلفل والبصل
كشفت الفنانة فريدة سيف النصر عن طرق فعالة علاجية لفيروس كورونا القاتل عبر حسابها على موقع التواصل الاجتماعي فيسبوك.
وقالت سيف النصر في منشور لها "كله بيفتي قلت افتي أنا كمان بس فتيت بعد ماقريت كتير والله خشوا عالطب النبوي وحبيبنا ربنا مش بيخليه ياكل اي حاجة كده وخلاص، طيب ولا أجدع ميكروب فيرس جرثومه أي نوع يعيش في الخل..وكان سيدنا النبي بيحبه خير إدام له صلى الله عليه وسلم".
وأضافت "فريدة"، "والليمون، سماه بونابرت بنزهير يعني قاتل الميكروبات لما أنقذ جيشه من الوباء وبعت زرعه بره طلع مجعلص كده جميل بس مش زي بتاع ارضنا ولا قوته، البصل والثوم مطهرين للأمعاء والدم وفيهم زيوت طياره تخنق أي كائن حي حتى كلوهم صاحيين وافتحوا بوءكم في وش اللي مزهقكم هايغمن عليه..وماتنسوش ربنا بنفسه قال اهبطوا مصر كلوا من فومها وعدسها وبصلها وثومها البلدي هه وغيره من خيرات الأرض دي غيرنا مابياكلهاش بطريقتنا".
وتابعت الفلفل الأخضر قرنقوطي الحرراق يبهدلك ويبهدل أي حاجة تعدي من أول شفايفك لحد لامؤاخذة ما يخرج الأعداء المهاجمين جثث أقوللكم، قوموا اتوكلوا علي الله اضرب لك طبق فول بالثوم صاحي موصي عليه ربنا..وطبق سلاطة بلدي خل وليمون وبصل وفلفل والخضرة اللي تعجبك".
وأكملت "فريدة" منشورها، "توكل علي الله أقعد لوحدك علشان صحابك مايطفشوش أو خليهم ياكلوا زيك وأنتي أكلي جوزك زيك بدل ماتتطلقي يا ضنايا وبكرة تعرفوا قيمة الفتي بتاعي لما يكتشفوا إختراعي..إيه الكذب ده يافرفر دي أكلة من التراث من قبل جدودك..اللهم إني بلغت".
يذكر أن فريدة سيف النصر قد أصيبت مؤخرًا بخراج في أسنانها تسبب في تورم وجهها لحد جعل بعض الصحف تخمن إصابتها بورم خبيث، قبل أن تنفي هي ذلك.