هاجر الشرنوبي تكشف تفاصيل تعرضها للسرقة على يد خادمتها.. اعرف الحكاية

أعلنت الفنانة هاجر الشرنوبي تعرضها للسرقة على يد الخادمة التي تساعدها في المنزل، مشيرة بأنها في اختبار صعب قائلة:أنا عاوزه قرار يريح قلبي وضميري في نفس الوقت.

هاجر الشرنوبي تتعرض للسرقة على يد خادمتها

ونشرت هاجر الشرنوبي منشورا عبر حسابها بموقع التواصل الاجتماعي فيسبوك وكتبت : أنا في اختبار صعب وعماله أسأل كل اللي حواليه أعمل إيه.. الست اللي بتساعدني في البيت سرقتني.. شكيت فيها اه بس مكنتش متأكده ومحبتش أظلم ولا أبلغ الشرطة .. قولت أنا مش هجيبها البيت تاني وخلاص و كلمتني كذا مرة مردتش.

وأضافت هاجر الشرنوبي : "الخادمة سابتلي ڤويس وصوتها كان تقيل صوت حد عنده جلطة،، وأنا حسيت أني ظلمتها وسبب وصولها للحالة دي وأسألتها مالك.. قالتلي ابني كان مأجر موتوسيكل واتسرق منه والراجل شراني وعاوز فلوس عاوز كام كذا.. المهم كلمت الناس اللي كانت بتساعدهم كلهم في البيت ولمينا فلوس أقسم بالله مش معايا أساسا وروحتلها البيت..بس حسيت أنها تمام وبكامل صحتها هي بس متقلة في صوتها مش أكتر."

واستكملت هاجر : و قلت دي حاجة لربنا وخلاص وحسبي الله ونعم الوكيل فيها لو كل ده فيلم ومش حقيقي. وسافرت بعدها بعشر أيام، لقيت ظابط بيكلمني وبيقولي أن الست دي ظبطوها وهي بتبيع فرده الحلق بتاعتي.. ومع الضغط عليها اعترفت أنها سرقتني وأنها كانت بتمثل عليا أنها اتجلطت ما بين سين وجيم في التليفون، قلت للظابط بس أنا متنازله ومش هينفع تتسجن عشان هي عندها أولاد صغيرين العفو عند المقدرة .. وبنتها الصغيرة كانت بتيجي معاها وأنا كنت متعلقة بيها عاطفيًا جدًا.

وأوضحت هاجر: وكان لازم اروح بنفسي القسم اتنازل، ومن حظها الوحش أني كنت مسافرة واتأخرت عليها ولما رجعت من السفر روحت في اليوم الخامس اللي اتجددلها في الحب، واتفاجأت وأنا في النيابة أن خلاص ميعاد جلستها بعد بكرة وللحظ السيء أني مسافرة تاني بس قررت أعمل توكيل لمحامي.

هاجر الشرنوبي: أنا في اختبار صعب وعاوزة قرار يريح ضميري

واستكملت هاجر الشرنوبي:: كلمت الناس اللي كانوا جيبينهالي والناس دي كلمت كل الناس اللي كانت بتروحلهم في الكومباوند اكتشفنا كمية سرقة لا تعد ولا تحصي، أنا ليه بحكي كل ده؟ علشان الحته اللي جايه دي بس، في حاجة كده رنت في ودني أني أكلم دار الإفتاء كلمتهم قالولي أني لو روحت وقولت أنها مسرقتنيش تبقي شهادة زور، ولو قولت أنها سرقتني بس أنا سامحتها هابقا بتنازل عن شق مدني بس وهيبقي لسه في شق جنائي وهيتحكم عليها".

واختتمت هاجر الشرنوبي حديثها قائلة:" إيه العمل ؟ أتصرف أزاي أنا بجد صعبان عليا الأولاد الصغيرين أوي.. وفي نفس الوقت أكيد مش هشهد زور اتصرف إزاي.. أنا عاوزه قرار يريح قلبي وضميري في نفس الوقت.

اقرأ أيضًأ:معلومات لا تعرفها عن هاجر الشرنوبي بعد عقد قرانها على الجابري