حلمي عبد الباقي يدعم مصطفى كامل: «نصير كل محتاج ومظلوم»
رد الفنان حلمي عبد الباقي عضو نقابة المهن الموسيقية، على منتقدي الفنان مصطفى كامل نقيب الموسيقيين، وذلك بواسطة نشره صورة جمعتهما وروى موقف إنساني له.
شارك الفنان حلمي عبد الباقي متابعيه وجمهوره بنشره صورة له مع الفنان مصطفى كامل وقال عنه: "رُب أخٍ لم تلده أمك مصطفى كامل"، ووصفه بأنه الأخ الجدع الصديق.
حلمي عبد الباقي ومصطفى كامل
وقال حلمي عبد الباقي عبر حسابه الرسمي بموقع فيس بوك، إن "مصطفى كامل لا يتخلى عن أي شخص في محنة، لافتًا إلى أنه ليس من عادته أن يمجد في أحد".
وتابع حلمي عبد الباقي في كلامه عن مصطفى كامل: "أنا اشتغلت معاك نقابة وراقبت كل حاجة بتعملها أبهرتني"، وأوضح أنه أبهره في كلامه وتعامله مع الجميع.
وأضاف: "تحنوا على كل محتاج، أبهرتني بشجاعتك وأنت بتاخد أي قرار وأنا بشوف في عينك نظرات الحنان وأنت بتقول لأي راجل كبير أو أي ست كبيرة عيني يابا أوعيني يا أمي».
مصطفى كامل نقيب الموسيقيين
وأكد على دعم مصطفى كامل نقيب الموسيقيين لجميع العاملين داخل النقابة، قائلًا: "أبهرتني لما المتعهد جه يرخص حفل لفنان خليجي كبير وانت بتتفق معاه".
واستكمل حلمي عبد الباقي عضو نقابة الموسيقيين: "وأنت بتقوله أنا مش هجاملك على حساب فلوس الناس لأن دي مش فلوسي وخدت منه مبلغ لم يستطع حد قبلك أنه يعمله".
وقال أيضًا: "وكمان قولتله طلع مبلغ للناس اللي تعبت معانا في النقابة وجبت كل الناس العمال اللي في النقابة حتي بتوع البارك وخليته يوزع المبلغ عليهم"، ودعا له بدوام الصحة والعافية".
اقرأ أيضًا: الفنان أحمد الشامي يبدأ تصوير مسلسل «جميلة»
ووصف حلمي عبد الباقي، مصطفى كامل بأنه نصير كل محتاج ومظلوم، واختتم كلامه عن نقيب الموسيقيين: "ممكن ناس ميعجبهاش إني بكتب كده لأمراض نفسية، في الآخر مش مهم إحساس حسيته ولازم أنقله بأمانه، والناس اللي بتحاول تهز صورتك أو تقلل منك بقولهم موتوا بحقدكم".
