الطريق
السبت 5 أكتوبر 2024 09:47 صـ 2 ربيع آخر 1446 هـ
جريدة الطريق
رئيس مجلس الإدارةمدحت حسنين بركات رئيس التحريرمحمد رجب
رئيس مجلس الإدارةمدحت حسنين بركات رئيس التحريرمحمد رجب
وزير الزراعة: صادرات مصر الزراعية تصل إلى 6.7 مليون طن في 9 أشهر المشاط: استثمارات بـ2.25 مليار دولار لتعزيز الطاقة المتجددة عبر برنامج نُوَفِّي البنك الأوروبى يدرس استثمار 100 مليون دولار في سندات العربى الأفريقى للاستدامة مركز الحوار ينظم ندوة بعنوان «أكتوبر معركة نصر » برئاسة وزير البترول.. مصر تمثل في افتتاح القمة الـ19 للفرانكفونية بباريس الصحة: مبادرة ”بداية” تقدم 33.6 مليون خدمة منذ انطلاقها منطقة المنيا الأزهرية تحتفل بانتصارات أكتوبر فينيسيوس على أعتاب الكرة الذهبية.. مفاجآت في حياته الشخصية ومسيرة مليئة بالإنجازات احتفالا بذكرى أكتوبر.. عروض فنية ومنتجات تراثية بالمعرض الـ 17 للثقافات العسكرية الفيفا يدرس منع الكيان الصهيوني من المشاركات الدولية بعد طلب فلسطين من القاهرة.. إعلان تأسيس وتدشين الاتحاد الدولي لمهرجانات المونودراما تكثيف الجهود للانتهاء من إحلال وتجديد خطوط مياه الشرب والصرف الصحي بشارع كسر الحجر

«أي بنت مكانها هتعمل زيها».. نهاد أبو القمصان ترد على المنتقدين لعروسة الإسماعيلية

نهاد أبو القمصان - فيسبوك
نهاد أبو القمصان - فيسبوك

ما زالت واقعة عروسة الإسماعيلية حديث السوشيال ميديا حتى الآن، ولكن انقسم النشطاء إلى قسمين، الأول داعم، والآخر غير متعاطف معها ويوجه لها الانتقادات.

"جوازة شؤم"

قالت المحامية نهاد أبو القمصان، رئيسة المجلس المصري لحقوق المرأة: "في ناس كتير مش متعاطفة مع عروسة الإسماعيلية.. وأنا مقدرة إن عدم التعاطف إشفاق عليها.. إنه يا بنتي من أول يوم قولنالك الجواز دي جوزاة شؤم ومتكمليش فيها".

استثناء البنت القوية

واستكملت أبو القمصان حديثها في مقطع فيديو على موقع التواصل الاجتماعي "فيسبوك": "النهارده لما الناس تقولي إحنا مش متعاطفين معاها عشان كان عندها إمكانية تنقذ نفسها.. أقولكوا لا.. إنتوا كده بتلوموا الضحية وبتحملوها المسؤولية.. أي بنت مكانها كانت هتعمل اللي عملته باستثناء القوية اللي وراها عيلة كبيرة".

العنف المنزلي

تابعت رئيسة المجلس المصري لحقوق المرأة: "الحقيقة تجربتنا مع العنف المنزلي بتقول إن الحالات اللي بتجيبنا بتقول إنهم مش من أول مرة بيشتكوا.. بتكون اتهامات واتضربت وبرغم كده ساكتة.. علشان كل الناس حواليها بيقوللها الست الأصيلة اللي بتستحمل.. بس نسيوا يقوللها تستحمل إيه بالظبط.. المفروض تستحمل مع جوزها الظروف الصعبة مش يكون الزوج ضدها".

خراب بيوت

وأضافت المحامية: "لما تكون دي ثقافة مجتمع وشوية ناس بيحاولوا ينشروا الجريمة دي.. لما يطلع واحد بيسمي نفسه داعية ولما البنت اضربت في الشارع يقول دي ست أصيلة.. وبتقول علينا مرايات البيوت؟!.. ده انت اللي خراب بيوت ومخرب للدين.. لأنك بتشجع الإجرام والجريمة.. هو ده اللي الرسول قال عنه استوصوا بالنساء خيرا؟".

وأعربت: "ولا المذيعة التانية اللي قاعدة تتكلم على قناة وتقولك الفرخة وتدوس على البراندات.. دي تقبل إن حد يمد إيده عليها.. بتتكلموا في إيه يا جماعة.. بتتكلموا في عيلة غلبانة قالت إحنا اتعرضنا للتهديد.. وزيها كتير بيجولنا متبهدلين.. ومبيوصلوش للمحكمة غير لما ليكونوا استنفزوا بدل المرة ألف".

قانون العقوبا

وواصلت: "في قانون العقوبات أي حد يتعرض لبنت بالشكل ده فهو مجرم حتى لو زوج أو أب أو الأم.. إحنا مش هنرجع لأيام الكفار.. إحنا عايشين في دولة قانون بتحكم الناس.. أنا متعاطفة جدا مع البنت دي ومعاها في أي موقف ممكن تاخده".

اقرأ أيضًا: «بريميرليج الغلابة».. بطولة كرة قدم في الشرقية تشعل السوشيال ميديا

موضوعات متعلقة