عاجل| إجابة صادمة من المتهم بقتل «نيرة» على سؤال القاضي: هل أنت نادم وإيه مفهوم الحب؟
![المتهم بقتل نيرة أشرف](https://media.altreeq.com/img/22/06/26/310327.jpg)
شهدت محكمة جنايات المنصورة، اليوم الأحد، مواجهة بين أسرة نيرة أشرف طالبة المنصورة التي جرى قتلها أمام الجامعة، والقاتل محمد عادل.
وقال المتهم: «أنا اشتريت السكين قبل الامتحان بـ3 أيام، وأخدتها معايا عشان أدافع بها عن نفسي هي كانت بعتالي رسائل تهديد هتخلي ناس تأذيني من اللي هي تعرفهم".
وأضاف «ساعة ما ركبت معاها الباص علشان أروح الامتحان مكنتش قاصد أركب معاها، وهي لما ركبت قعدت تتريق وتضحك عليا وهي اللي دمرت حياتي وعماله تضحك".
وأكمل:« إضايقت وقولت أنت تستاهلي بقي.. وخفت أكلمها لما نزلت تتبلي عليا زي ما عملت قبل كده في الجامعة، ولما نزلت من الباص مش فاكر ضربتها إزاي».
وسأل القاضي المتهم: هل أنت نادم يا محمد؟
فأجاب: «ندمان طبعا لأني آذيت قلبي».
وسأله القاضي: «إيه مفهوم الحب عندك يا محمد.. أنت شايف الحب إزاي؟»
فأجاب: «اللي يأثر في الواحد إنك تبقى كويس مع حد وهو يستغل ده ويضحك عليك الناس ويقل بيك، إنما الحب قبلنا وبعدنا حبوا وهيحبوا، أنا مقتلتهاش علشان رفضتني، هو مفيش حاجة تبرر اللي عملته، إنما ده غصب عني هي السبب.. المفروض أسرتها هيتحاسبوا على اللي حصل».
اقرأ أيضًا: بدء جلسة محاكمة المتهم بقتل طالبة المنصورة (فيديو)
وبدأت محكمة جنايات المنصورة، برئاسة المستشار بهاء الدين المري، نظر أولى جلسات محاكمة محمد عادل؛ لاتهامه بقتل الطالبة المجني عليها نيرة أشرف عمدا مع سبق الإصرار، إذ بيت النية وعقد العزم على قتلها، وتتبعها حتى ظفر بها أمام جامعة المنصورة، وباغتها بسكين طعنها به عدة طعنات، ونحرها؛ قاصدا إزهاق روحها، وقد جاء قرار الإحالة بعد 48 ساعة من وقوع الحادث.
اقرأ أيضًا: بدء جلسة محاكمة المتهم بقتل طالبة المنصورة (فيديو)
وكثفت الأجهزة الأمنية من تواجدها أمام وداخل محكمة جنايات المنصورة، قبل بدء جلسة محاكمة المتهم بقتل نيرة أشرف.
وتنظر محكمة جنايات المنصورة الدائرة الرابعة برئاسة المستشار بهاء المري، وعضويتها المستشارين سعيد السمادوني، ومحمد الشرنوبي، وهشام غيث، وأمانة سر محمد جمال، ومحمود عبدالرازق، أولى جلسات محاكمة المتهم محمد عادل الطالب بالفرقة الثالثة بكلية آداب المنصورة لاتهامه بتهمة قتل زميلته الطالبة نيرة أشرف والمعروفة إعلاميًا بـ "طالبة جامعة المنصورة" عمدا مع سبق الإصرار والترصد لها أمام أسوار جامعة المنصورة لفشله في الارتباط بها.