جمال العدل يكشف لأول مرة سبب رفضه العمل مع عادل إمام.. فيديو

كشف المنتج جمال العدل، عن سبب رفضه العمل مع الفنان عادل إمام، قبل عدة سنوات.

وقال العدل، خلال استضافته ببرنامج العرافة، المذاع على قناة المحور، ردا على ما قيل بإنه رفض العمل مع عادل إمام: "أنا أتمنى اشتغل مع عادل إمام، ومفتقده بشكل غير طبيعي الموسمين اللي فاتوا، ولكن أنا مقولتش كده بالضبط، تم تحريف كلامي".

وتابع العدل: "هو كان عايز يشتغل بنفس الناس، المخرج والمؤلف ونفس فريق عمله، أنا كنت معترض وكنت عايز أغيرله، كان نفسي أعمله حاجة مختلفة بخبرتي".

ووواصل: "لكن عادل إمام أعظم فنان في تاريخ مصر، أتمنى يجي زييه، ده راجل قعد 50 سنة نجم مصر الأول ومازال، وأنا ندمان دلوقتي إني معملتش العمل اللي كان عايزه".

وحل المنتج جمال العدل، ضيفا ببرنامج "العرافة"، مع الإعلامية بسمة وهبة، عبر قناة "المحور".