”انسان مش بتاع شو”.. بدرية طلبة تشيد بموقف تامر حسني

وجهت الفنانة بدرية طلبة، رسالة تشيد من خلالها بمواقف النجم تامر حسني الإنسانية، وموقفه الأخير معها وقت عملية الفنان شريف دسوقي، وكشفت عن تكفله بعلاج حالة أخرى بعد تكفل الرئيس بعلاج شريف.

وكتبت بدرية طلبة، عبر حسابها الشخصي بموقع التواصل الاجتماعي فيسبوك: "أنا بحب كل زمايلي وبحسهم اخواتى وولادى وأساتذتى وفى النهاية بعد أى شغل بروح على بيتى وبتابعهم زى المتابع العادى، وبحب أقول كلمة حق في الزملا القريبين منى واللى اتعاملت معاهم عن قرب ولازم أقولها فى وقتها".

وتابعت: "النهاردة وقت كلمه حق فى النجم تامر حسني اللى بعرفه عن قرب من يوم ما ظهر وأنا بشوف منه مواقف محدش يعرفها ولا يصدقها أد أيه هو بنى أدم جبار، لكن يكفى أحكى لكم أخر موقف يوم عمليه زميلى واخويا شريف دسوقى والمكالمات اللي كل يوم بيتحايل فيها يشيل شريف دسوقى فى عنيه لكن كان الريس سبقه".

اقرأ أيضا: والد حلا شيحة يهاجم ابنته: ”كلامك غلط ومرفوض وتامر حسني ملوش ذنب”

وأضافت: "لما ظهرت حاله شبه حاله شريف وتكلفتها عاليه وطلبت منه يتدخل قسما بجلال الله الموضوع ماموضوع فلوس لكن لو تسمعو نبرة صوته وعياطه وحزنه على الحاله لما سمع الفويس بتاعها وهى فرحانه بالطرف الصناعى حتعرفو من نفسكم البنى أدم دا من جواه ايه، وأد ايه أنسان مش بتاع شو غير كل دا كواليسه كلها حب واحترام لزمايله الصغير قبل الكبير ومنتهى الاحترام واأادب وإستحاله يضايق أو يزعل حد ربنا يجبر بخاطرك وتعلى كمان وكمان تستاهل كل خير".