الطريق
الأربعاء 16 أبريل 2025 04:52 مـ 18 شوال 1446 هـ
جريدة الطريق
رئيس التحريرمحمد رجب
رئيس التحريرمحمد رجب
الخزانة الأمريكية: واشنطن تصدر عقوبات جديدة مرتبطة بإيران تستهدف ناقلات نفط تعاون بناء بين جامعة عفت واتحاد الفنانين العرب مفتي الجمهورية ومفتي تشاد يلتقيان على هامش مؤتمر أبو ظبي لبحث أوجه تعزيز التعاون الشباب والرياضة تواصل تنفيذ برنامج ”معسكر الابتكار” داخل 100 معهد وجامعة تكنولوجية وزير الرياضة يهنئ عمرو مصيلحي بفوزه بمنصب نائب رئيس الاتحاد العربي لكرة السلة محافظ كفر الشيخ يعتمد مخطط مدينة برج البرلس للحد من العشوائيات والبناء المخالف وزير الإسكان يقوم بجولة موسعة بمشروع ”حدائق تلال الفسطاط” بالقاهرة فيديو| أخر تطورات إحباط مخطط إرهابي يهدف لزعزعة استقرار الأردن مفتي الجمهورية يلتقي مفتي سنغافورة في أبو ظبي لبحث سُبُل تعزيز التعاون وزيرة التضامن الاجتماعي تستقبل رئيسة الجمعية الوطنية السلوفينية انطلاق معسكر أبي بكر الصديق التثقيفي للطالبات الوافدات بالإسكندرية محافظ القاهرة يفتتح معرض التعليم الفنى وورش العمل”اصنع وابدع”

فادي خفاجة عن فيديو انهياره: «كنت في لحظة ضعف والناس داست على الجرح»

فادي خفاجة
فادي خفاجة

أعرب الفنان الشاب فادي خفاجة عن ندمه بعد ظهوره منهارًا في فيديو عبر موقع "تيك توك" بسبب قلة الأعمال الفنية التي تُعرض عليه والغدر الذي أصابه من أقرب صديق له، وقال: "أنا كنت في لحظة ضعف ومش هقدر أقول حاجة تانية غير كده".

وأضاف فادي خفاجة في مداخلة هاتفية ببرنامج "آخر النهار" مع الإعلامي تامر أمين: "بقول للناس أرجوكم زى ما شايفيين إني فنان أنا كمان إنسان ولو جع بيا الزمن مش هعمل الفيديو ده ومش عارف أنا عملته إزاى أصلًا، أنا بسعى طول الوقت وبقالي كتير الناس بتقولي انت فين احنا كنا متربيين على ونيس".

تصريحات فادي خفاجة

وتابع فادي خفاجة: "أنا ولا حصلت فنان ولا إنسان طبيعي، ولو سبت الناس في حالي وقعدت لوحدي معنديش إجابات عن أى حاجة، أنا بتسأل السؤال ده مليون مرة كل يوم، وكل الأساتذة الكبار اللي كنت بشتغل معاهم كانوا بيشكروا فيا وده إداني أمل وشوفت إنها رسالة عشان أقدم في المعهد العالي للفنون المسرحية واجتهدت واتخرجت بتقدير عالي".

وعن مشاركته في الاختيار، قال: "لما طلعت في مسلسل زى الاختيار كنت ضيف شرف وكان شرف ليا طبعًا، انتظرت أبواب ربنا تتفتح وبعد كل ده مفيش، أنا فعلًا مش عارف أنا مش بشتغل ليه، وبتحدى أى مخرج يقول إني مش باجي في معادي أو حد يقول إني بتكمل في الأجر ده محصلش".

اقرأ أيضًا: فادي خفاجة: مش بطبل لمحمد صبحي.. وقبلت يده لهذا السبب

فيديو فادي خفاجة

قال فادي خفاجة: "سعيت وقابلت مخرجين بدون استدعاء، وزمان كنا بنقدر نقابل المخرج لكن دلوقتي لازم تبعت على الميل وتاخد معاد، حتى لو النظام ده كويس أنا مش عارف اتواصل معاه لأن بين كل اللي بيتقدم أنا مش هبان، أعز الزملاء ومواهب أكبر مني كلنا بنكلم بعض طول الوقت وبنسال ليه مش بنشتغل".

واختتم فادي حديثه قائلًا: "أنا بعتذر ومكنش ينفع أعمل كده لكن أنا حصل معايا حاجتين، الأولى جاتلي رسايل من قدام الكعبة ناس معرفهاش بتدعيلي وناس خدت الفيديوهات وقطعتها ومكنتش متخيل ناس تعمل كدة، كنت فاتح لايف وبهزر بس التعليقات اللي كانت بتقولي أنت مكانك مش هنا داسوا على الجرح".