تامر أمين يهين الفلاحين والصعايدة: بيخلفوا عشان يشغلوا بناتهم خادمات في القاهرة
شنّ الإعلامي تامر أمين هجومًا حادًا على مواطني الريف والصعيد، محملا إياهم جانبا كبيرا من المسؤولية في الزيادة السكانية.
وقال أمين خلال برنامجه "آخر النهار" على شاشة "النهار": "فيه نسبة كبيرة جدًا في الريف والصعيد بيخلفوا ولاد وبنات مش علشان يصرفوا عليهم ولا علشان يدخلوهم التعليم ويحصلوا على شهادة ويكبروا ويتوظفوا.. بيخلفوهم علشان العيال دي هي اللي تصرف على الأب والأم".
اقرأ أيضًا: حقيقة إحياء محمد منير حفلًا غنائيًّا في دولة الاحتلال الإسرائيلي.. فيديو
وأضاف: "فيه أسر كتير جدًا بيخلفوا الولد ولما يوصل لـ5 أو 6 أو 7 سنوات بالكتير يرميه على ورشة حدادة ولا سمكرة ولا دوكو ولا يشتغل في المعمار.. المهم الواد يشتغل ويكون بلية، يعني صبي المعلم.. الواد من دول ياخد 1000 جنيه ولا حاجة في الشهر، ويروح يديهم لأبوه".
وتابع: "البنت برضه مش بتتعلم ولما بتكمل 9 سنوات ولا حاجة أبوها يشحنها تشتغل في البيوت، وفيه أزمة في القاهرة والإسكندرية والمحافظات الكبرى في فكرة الخادمات والعاملات في المنزل فيتم تشغيلهم".
اقرأ أيضًا: أستاذ تفسير: الزواج والإنجاب ليس أمرًا واجبًا.. والدولة طرف ثالث في القرار
وأكمل: "البنت بتطلع عينها ولا بتسمتع بطفولتها ولا براءتها، وكمان ست البيت ممكن تكهربها وتلسوعها وتشغلها 24 ساعة وتديلها 1000 ولا 2000 جنيه في الشهر والبنت تديهم لأبوها".
