بحب الفرفشة وقولت للعندليب مستحيل أحاربك.. أبرز تصريحات هاني شاكر في ”كلمة أخيرة” (فيديو)
فتح الفنان هاني شاكر نقيب الموسيقيين، قلبه وتحدث عن الكثير من التفاصيل الخاصة حول حياته الشخصية لأول مرة، خلال استضافته مع الإعلامية لميس الحديدي في برنامج "كلمة أخيرة" على قناة "on" الثلاثاء.
وتحدث هاني شاكر عن رأيه في أغاني المهرجانات قائلًا: "لازم نرتقي بذوق الناس، انا والمهرجانات أنا بشوف إنها أل من الغنى الشعبي والفن ده رسالة مهمة جدا، متطرقًا إلى الحديث عن أزمته مع عمر كمال وحسن شاكوس حيث قال: في الفترة الأخيرة لما عملنا امتحانات، وعمر كمال وحسن شاكوش وغيرهما قدموا للاعتماد في النقابة نبهنا عليهم إن فيه ناس بتحبكم، خلوا دايما المستمع في نظركم وانتوا بتغنوا، هو أنا أفرح لما ألاقي للأطفال في الحضانة فيديوهات بيقولوا "خمور وحشيش"!.
واستكمل شاكر قائلًا: "ربنا إداني نجاح في غنوة حلوة إيه لازمته الكلمتين دول، هروح مقابلش حبيبتي، فهشرب خمور وحشيش؟، هبقى فرحان وأنا بعلم كدة لأطفال وأوعيهم؟ بصراحة لقيت ده خروج عن التقاليد والمعروف، مش لازم خالص الكلمات الخارجة".
وحول رد لميس الحديدي له: "طب ما احنا كنا زمان بنقول على عدوية أغانيه هابطة"، فرد :"بالظبط، رخينا الستارة، نجاح أغاني عدوية كام واحد سمعها، النهارده بقيتي مشاع على الدنيا كلها وكل حد بيشوفها، والناس على السوشيال بتتسابق تعمل كل حاجة غريبة عشان تجيب مشاهدات وفلوس.. بوجه للناس كلها تهتم بولادهم بيسمعوا إيه، يسمعوهم أغاني مش هقول من 40 أو 50 سنة، بس ياخدوا بالهم".
وخلال الحلقة تطرق نقيب الموسيقيين بالحديث عن علاقته بالعندليب عبدالحليم حافظ، مؤكدًا أنه بمثابة البيت الفني له، وعن الخلاف الذي حدث حينما غنى معه أغنية "بالأحضان"، قائلًا: "كان فيه إشاعات أن في خلاف بيني وبين عبدالحليم، أنا الحقيقة مكنتش حابب إن ده يحصل واتقال وقتها إن عبدالحليم زعل من الموجي".
وأوضح هاني شاكر قائلا: "أنا كنت مستاء جدًا من اللي حصل، وأول لما شوفت عبدالحليم، قولت له لا يمكن الكلام اللي اتقال على الصحافة ده أنا أكون قولته إنت بالنسبالي هرم رابع ولولاك أنا مكنتش غنيت، وعيني رغرغت وأنا بتكلم لأنه هو بيتي الفني من وأنا صغير، قولت له أنا مستحيل أحاربك وبغنيله دايما في حفلاتي".
وقال هاني شاكر أن بالرغم من أن أغانيه معظمها حزينة إلا أنه يحب الضحك والفرفشة، موضحًا أن الكليبات عندما أصبحت موضة كان معظم ما تم تصويره من الأغاني التي قدمها تحمل الطابع الدرامي مثل "غلطة" و "تخسري" "جرحي أنا"، ولهذا أخذ الكثير من الناس عنه فكرة أن أغانية حزينة وكانوا ينتظرون صدور ألبوماته، ليستمعون للجانب الدرامي فيها، لذلك ركز بشكل أثر
وتحدث تأثير عام 2020 عليه في حياته، قائلًا: "مش عارف كانت صعبة أوي.. والواحد حس بقيمة حاجات كتيرة كنا نعتقد أنها عادية لكنها ثبت أنها ليست كذلك طول الوقت كنا فاكرين أن الحياة مشرقة وأن ممكن أخد العربية وأنزل أقعد في أي مكان ونخرج ونمشي في الشارع، الموضوع بقى صعب رغم أن مصر حالها أفضل بكثير من دول أخرى في العلم فلندن مؤخرًا قامت بمنع كل هذه المظاهر وقفلت الدنيا".
وعن ما فعله في أزمة كورونا قال: "معظم الوقت كنت قاعد في البيت، الواحد نسي السفر في السنة دي، ونفسي أغمض عيني وأفتحها ألاقي نفسي في المطار ومسافر، حتى الحفلات السنة دي مكانتش موجودة ماعملتش غير حفلتين إحداهما كانت أونلاين والأخرى تخص مهرجان الموسيقى العربية".
اقرأ أيضًا: الفنانة درة توجه رسالة للمتنمرين: ”فاشلين وفاضيين”
واستكمل هاني شاكر: "أتمنى 2021 يكون وشها أحلى ويكون اللقاح ظهر بالفعل ويكون أثره إيجابي في العلاج والوقاية وربنا يهد الكورونا اللي كل شوية بتتحور وبتتغير، وإذا الدولة قالت اوكى على اللقاح هاخدوا ليه لا مش هيخسر".
