”دا لسه بالتكيت”.. جماهير الأهلي ترد على طلب فرج عامر باستعارة بدر بانون

تفاعل عدد كبير من جماهير النادي الأهلي مع إعلان فرج عامر رئيس مجلس إدارة نادي سموحة، عن طلبه باستعارة بدر بانون مدافع الرجاء المغربي وصفقة القلعة الحمراء المنتظره.

 

وتفاجأت الجماهير بطلب فرج عامر باستعارة اللاعب حتى فبراير المقبل، رغم عدم إعلان الأهلي عن الصفقة بشكل رسمي حتى الأن.

 

وكتب عامر عبر حسابه الرسمي على موقع التدوينات القصيرة "تويتر": "سموحة يطلب من الأهلي رسميا إعارة بدر بانون من بداية الدوري إلى فبراير، وذلك في حالة إغلاق القيد في 18 نوفمبر".

اقرأ أيضَا: فرج عامر يوضح.. لماذا طلب سموحة استعارة بانون من الأهلي؟

 

جماهير الأهلي ترد على فرج عامر

ليرد أحد الجماهير: "ده الراجل لسه موصلش مصر ومشفش التتش والجماهير مفرحتش بيه لسه".

وغرد أخر: "انت مش بتضيع وقت خالص ياحج بصراحه يابخت فرقة الكورة بيك".

وأضاف: "انت بتطلب لاعب من نادى اصلا لسه ماعلنش رسمي انه ضمن صفوفه".

وسخر أحد الجماهير: "امضي علي بياض علي مصانع فرجلووو، الاول ده لسه ملعبش يا حج".

وقال ثان: "يا دكتور فرجلو يعني هو الأهلي جايبه علشان يعيره لسموحه".

• "طيب استني الراجل يتصور بالتيشيرت"

وطالب أحد مشجعي الأهلي: "بص يا حاج فرجللو بدر بانون أبننا جايله عرض من ليفربول عشان زي مانت عارف فان دايك مصاب، وجايله عرض من مانشستر يونايتد وبرشلونه ومش هصعبها عليك لو تقدر تدفع فيه 200 مليون ساعتها هنقولك لا برضه".

• "هتقدر علي تمنه انت وسموحة".

• "مش لما يلبس التيشرت الأحمر الأول".

• "يا راجل ده لسه بالتيكيت بتاعه حتي".