تعبيرات قاسية.. سيد علي يفتح النار على كهربا وياسمين صبري (فيديو)
شنّ الإعلامي سيد علي، هجومًا ضاريًا على لاعب النادي الأهلي محمود عبد المنعم كهربا بعد مشادته مع حارس الفريق محمد الشناوي التي غرِّم على أثرها مبلغ مليون جنيه.
وقال خلال برنامجه "حضرة المواطن" على شاشة "الحدث اليوم"، السبت: "لاعب ميساويش 3 تعريفة، غلط وشد مع زمايله، فاتخصلمه مليون جنيه.. هل حد سأل نفسه هو بياخد كام مليون".
وأضاف: "أزعم إن توفيق الحكيم ونجيب محفوظ ومحمد عبد الوهاب وأم كلثوم في حياتهم معملوش مليون جنيه.. مفيش أي حد شريف في البلد دي لو اشتغل 40 سنة عمره ما هيعمل مليون جنيه".
في سياق غير بعيد، هاجم علي الفنانة ياسمين صبري بعد نشرها صورة السيارة التي أهداها لها زوجها رجل الأعمال أحمد أبوهشيمة.
وقال علي: "شوفنا ممثلة لسه طالعة بقالها سنة بقى عندها عربيات وطائرات.. يعني إنتو محتاجين تعملوا كده.. كل شوية تتصوروا".
