لاعب الزمالك السابق: إلغاء الدوري هروب من المسؤولية.. ويجب عودة الحياة لطبيعتها

طالب أحمد دويدار، لاعب الزمالك السابق وفريق الانتاج الحربي الحالي، بضرورة عودة مباريات الدوري الممتاز، واستكمال الأنشطة الرياضية في مصر، وعودة الحياة لطبيعتها.

وكتب "دويدار" عبر صفحته الرسمية بـ"إنستجرام": "الخلاصة مفيش علاج لكورونا قبل سنة أو سنتين أو لاقدر الله مش هنلاقى علاج خالص وكل ده فى إيد ربنا وحده، إحنا بقى هنفضل قاعدين فى البيت ونستنى ومعظم الناس شغلها واقف وبقت ظروفها صعبة جدًا أكيد ده مش هيحصل".

وأضاف: "أما بقى عن التفكير فى الغاء بطولة الدوري هو تفكير فى المصلحة الشخصية وهروب من المسئولية؛ لإنك لو هتلعب الدوري الجديد فى أكتوبر حضرتك متأكد أننا هنلاقى علاج والامور تتحسن أكيد لأ".

اقرأ أيضًا: وكيل حسام غالي يرد على تصريحات أسامة نبيه

وتابع:" الأزمة ببساطة حلها باين جدًا دلوقتى لازم الحياة ترجع لطبيعتها وكل الناس ترجع لشغلها مع تطبيق طرق الوقاية فى أماكن العمل وكل واحد يخاف على نفسه".

واختتم أحمد دويدار: "شعار المرحلة المقبلة انزل شغلك واحمى نفسك، واعتقد العالم كله هيعمل كده بداية من الشهر القادم؛ لإن مفيش حل غير كدا.. وربنا يسترها علينا وعليكم".

وكانت أنباء قد تم تداولها خلال الساعات الماضية عن اقتراب مسئولو الجبلاية من إعلان قرار إلغاء مسابقة الدوري الممتاز الموسم الحالي؛ وذلك في ظل تزايد أعداد المصابين بفيروس كورونا  في مصر.