خالد تاج الدين يهاجم زكي فطين عبد الوهاب: ”عمرو دياب هضبة غصب عنك”

رد الشاعر الغنائي خالد تاج الدين، على الفنان زكي فطين عبد الوهاب، بعدما هاجم الهضبة عمرو دياب، مشيرًا إلى أن أغانيه غير متنوعة ولا تحمل أية جديد منذ بدايته، وأن أغاني المهرجانات أفضل لما فيها من تنوع وابتكار.

وكتب تاج الدين، عبر حسابه الخاص علة موقع التواصل الاجتماعي "فيس بوك" : "الأخ ده كمان لقى مفيش أضواء عليه قالك أهاجم الكبير، أنا مش فاهم بس هو نجاح عمرو دياب المتواصل والمستمر بيضايقك في إيه بس.. أنا هقولك الخلاصة عمرو دياب هضبة غصب عنك وواصل لكل الأجيال".

وتابع: "أنا بنتي الصغيرة 8 سنين واتحايلت عليا علشان تروح تتصور مع عمرو دياب وبتعشق كل أغانيه القديمة قبل الجديدة، إنما لو سألتها مين زكي فطين ده أراهنك إنها مش هتعرفك، كفاية عك بقى".

وكان زكي فطين عبد الوهاب حذف الرسالة التي نشرها عبر حسابه بموقع "فيس بوك" والتي هاجم فيها الهضبة حيث كتب :"أنا عارف إن فى ناس هتزعل من الكلام اللي هقوله لكن بعد الهجوم الشرس على أغانى وموسيقى المهرجانات، نفسى أفهم عمرو دياب الملقب بالـ"هضبه" بمناسبة ايه".

وأضاف :"أغانيه والحانه وكلمات أغانيه هي هي من 20 سنة، ده إفلاس فني مابعده إفلاس، أغاني الـ "مهرجانات" فيها تجديد وابتكار وتنوع أكتر بكتير غصب عن الملحن الفذ "حلمى بكر".